韓 炸雞 & 小食 (已結業)

新K11商場真係好多嘢行，行攰左樓下仲有大大個food court俾大家食嘢，一見到韓國炸雞，我即刻衝左埋去，佢哋嘅炸雞係新鮮即叫即炸，除咗炸雞仲有好多韓國嘅特色炸物，例如炸紫菜粉絲卷、炸年糕串、炸餃子。每樣都想食嘅我當然全部叫晒啦，佢哋仲有套餐可以揀，大約等5至10分鐘左右，新鮮熱辣嘅炸雞就出爐啦，炸雞嘅粉漿好薄，入面係多汁鮮嫩嘅無骨雞肉。另外佢哋嘅炸年糕亦都非常出色，外面脆卜卜，入邊煙煙韌韌，如果一個人嚟，可以叫佢哋嘅雞糕雞糕串，兩樣都可以食到之餘又唔怕食唔晒。