串カツ専門店

營業中

休息中

聖誕節機票真係最貴，特別係去日本嘅機票，所以寧願喺香港搵返一餐福岡風味✨海鮮沙律前菜當然要嚟個開胃嘅，裏面有油甘魚、三文魚、吞拿魚，算係多魚生！✨炸串炸粉唔會太厚，而且真係食到入口鬆脆嘅口感！特別推薦佢嘅雞蛋串，蛋黃帶點流心；魚串清甜；咬落啖啖肉；卡門貝爾芝士絕對係邪惡嘅選擇，奶香味滿滿，咬落口好軟身✨自家製慢煮叉燒非常非常之有驚喜，雖然叉燒肉唔算好厚，但係肥瘦嘅均勻完全係一啖就食到！醬汁算係濃味，肉質好嫩帶肉汁。✨鰻魚玉子燒鰻魚一整片放喺玉子嘅中間，切開嘅時候需要更徹底一啲！玉子好厚身好香滑，小編鍾意點上小小嘅七味粉～✨鐵盒生蠔蒸生蠔之前職員都會拎俾你望一望，確保係新鮮嘅！生蠔非常之肥美，而且亦都能夠保持住佢原有嘅鮮甜，一定一定要加上檸檬汁提鮮。💡餐廳收取前菜費用、可以三揀一當日分別有西芹或牛蒡或中華沙律。