The Vigor (水渠道) (已結業)

金魚街行到尾轉過彎就係呢間外賣店喇！佢哋有好多即叫即煮嘅意粉同小食 G5卡邦尼溫泉蛋雞肉炒意粉 $60叫完之後店員就即刻炒意粉，意粉除左有雞肉之外，仲加左翠肉瓜。個汁好creamy，估唔到同翠肉瓜都幾夾。G7 日式照燒肥牛炒意粉 $62除左肥牛之外，仲有加左雜菌響入面，燒汁同肥牛真係好襯阿！甜甜地好野味。G8 鮮茄牛仔柳炒意粉 $62呢個煮完出黎最香阿，蕃茄汁酸酸甜甜，令人好開胃。V15 白汁芝士焗西蘭花 $38就咁望落去好似冇乜白汁咁，原來全部流哂落底，面頭除左有焗溶左嘅芝士之外，仲有芝士粉。芝士同忌廉汁嘅味都好濃。