影片
更多
2022-12-10
129 瀏覽
前排捐窿捐罅去到柯士甸站附近搵好野食，去咗「川燒」呢間主打四川 X 日式串燒餐廳，食完舔舔脷呀！ 😋😋餐廳裝潢簡約得嚟幾光猛，座位夠闊落，坐得舒服。而串燒款式選擇都幾多，牛、豬、海鮮等樣樣都好吸引好難揀呀！ 😣川香涼拌秋葵 $38爽脆嘅秋葵食落好清新，伴上辣汁同咸香嘅豆板醬帶點四川風味，記得撈勻醬料一齊嚟食。☺️ 燒特級厚切牛脷心 $58必食推介！牛味好濃郁，厚切口感非常好，帶啲嚼勁，好味！ 😊燒日本廣島蠔 $68一客有兩隻，呢個燒蠔燒得時間啱啱好，蠔身非常飽滿之餘仲好juicy，無燒到過咗龍，加埋半生熟嘅蒜蓉，好香好惹味，大推！👍👍 川燒豆腐 $22一份兩件燒到脆皮嘅豆腐，外脆內軟，配埋咸咸辣辣嘅豆板醬，個人好喜歡呢個。❤️ 燒法式鵝肝多士 $68鵝肝size都算厚身，配埋脆卜卜多士，唔錯。 燒鮮白鱔 $58本身白鱔好肥美，咬落去充滿魚油，加上魚皮燒到好脆身，好有口感，配搭甜甜地嘅醬汁，呢個好食到想encore多次。 👍燒麻辣日本淮山 $28淮山表面燒到好香脆，麻辣味唔算好強烈，調味剛好，好味！ 😋😋川香肉碎燒茄子 $48呢度嘅燒茄子係起哂皮，非常方便進食，而茄子好滑好多汁，肉碎粒增加咗
餐廳裝潢簡約得嚟幾光猛，座位夠闊落，坐得舒服。而串燒款式選擇都幾多，牛、豬、海鮮等樣樣都好吸引好難揀呀！ 😣
川香涼拌秋葵 $38
爽脆嘅秋葵食落好清新，伴上辣汁同咸香嘅豆板醬帶點四川風味，記得撈勻醬料一齊嚟食。☺️
燒特級厚切牛脷心 $58
必食推介！牛味好濃郁，厚切口感非常好，帶啲嚼勁，好味！ 😊
燒日本廣島蠔 $68
一客有兩隻，呢個燒蠔燒得時間啱啱好，蠔身非常飽滿之餘仲好juicy，無燒到過咗龍，加埋半生熟嘅蒜蓉，好香好惹味，大推！👍👍
川燒豆腐 $22
一份兩件燒到脆皮嘅豆腐，外脆內軟，配埋咸咸辣辣嘅豆板醬，個人好喜歡呢個。❤️
燒法式鵝肝多士 $68
鵝肝size都算厚身，配埋脆卜卜多士，唔錯。
燒鮮白鱔 $58
本身白鱔好肥美，咬落去充滿魚油，加上魚皮燒到好脆身，好有口感，配搭甜甜地嘅醬汁，呢個好食到想encore多次。 👍
燒麻辣日本淮山 $28
淮山表面燒到好香脆，麻辣味唔算好強烈，調味剛好，好味！ 😋😋
川香肉碎燒茄子 $48
呢度嘅燒茄子係起哂皮，非常方便進食，而茄子好滑好多汁，肉碎粒增加咗口感，配埋辣汁同蒜蓉醬，好香口，呢個送飯好一流喎！ 😝
菠蘿雪葩 $78
雪葩質地好幼滑，菠蘿味濃郁又清甜，啱哂食完串燒refresh下！ 🍍😊
整體每款串燒味道唔錯，部分性價比幾高，個人大推厚切牛脷、燒白鱔及燒生蠔，另外店員好友善主動。如果同三五知己想食串燒嘆番杯，呢道幾唔錯喎！☺️
張貼
