東小館 (天樂廣場) (已結業)

️細個飲茶會覺得好悶，又無電視、電話，次次都係會睇哂成份報紙、雜誌，不過都未走得。人大咗，反而鍾意飲茶，休息下放下空都唔錯。東小館喺南洋酒店附近，其實都幾隔涉，不過果日發現早茶有半價！點心種類唔算超多，但都夠選擇，點心即叫即蒸。蛋黃千層糕 半價$19好少茶樓有供應，蒸起即食好軟，蛋黃味都足。瑤柱花菇灌湯餃 半價$24用上一整粒瑤柱，好香口，仲有花菇同金華火腿。流汁小籠包 半價13/2件有肉香，但始終唔夠多汁，有冇人推介好味小籠包呀？養生淮山粥 半價$13份量都大大碗，南瓜粥底有淮山粒粒，不過略嫌少少甜。蜜汁叉燒包 半價$6鬆軟之餘，餡料又唔會太甜。養生芝麻糕 半價$10/2件芝麻香滿滿，口感軟糯。