熊貓甜品屋 (已結業)

食完晚飯，行到見到一間甜品店，凍櫃內有鮮豔綠色，黃色嘅班戟。枱頭一看，內裏裝飾布滿熊猫圖案，非常精緻。忍不住入內坐吓。我叫左榴連盛會，有梳乎里，班戟，雪米糍。梳乎厘輕盈幼滑，軟綿綿啖啖榴槤味，入口即溶，味道浸透味蕾，好味低部仲有D榴槤肉。另外個斑戟面層有小小脆，好似糖膠，內裏係好濃郁嘅榴槤肉加上幼滑cream，榴槤味慢慢在口內溶化。另外朋友叫左紅棗桂圓燉雪梨，呢個甜品好清潤。店員送上來時係整個雪梨上的。雪梨被紅棗桂圓一起浸過後，味道更清甜。而糖水味道應該是紅棗桂圓加上雪梨帶出甜味。健康有益。