食包 (已結業)

小朋友附近學野又加左姐姐回鄉，又係一個好借口買外賣啦。附近開左間叫Winner burger 幾次行過都好吸引，今次有機會啦。我地一人簡左一個漢堡包，2個小朋友見到菠蘿同炸雞就兩眼發光，2個都簡芝士菠蘿雞堡$68。我就簡熱門之選既WB 經典漢堡$62，仲有牛同豬俾你簡，唔怕你唔食牛，好人性化。現在落完order 後親眼睇住即刻整即刻炸，感覺好好，因為唔會個包俾醬汁浸到淋晒，特別炸雞好香脆，又唔太油。經典漢堡入面既流心蛋好好味，漢堡扒都好軟熟，好juicy。夾埋菠蘿個感覺無咁油膩。呢間可番轉頭呀。