添添鮮果汁

營業中

休息中

病到面色蒼白，無咩胃口，叫左飯都食唔得晒，好少野落到胃。自己驚自己有事，都係買杯健康新鮮果汁飲一飲，睇下可唔可以順便增強免疫力。嗌左杯蔬果汁，即嗌即製，有菠菜苗、牛油果、青蘋果🍏、奇異果。全部都綠色，成杯綠。雖然有菠菜苗，但無草青味，反而有好香既奇異果味，同甜酸既青蘋果味。兩者味道相對突出，但又配合得好融洽，無發生味蕾爭霸戰。而牛油果味道淡薄，但令果汁質感更厚滑，豐富左成個口感，飲左又更飽肚。再者，蔬果汁唔會加冰，就算傷風感冒飲都唔怕會引起氣管敏感而狂咳😝飲完都覺得自己健康左，好過成日飲埋果D咩糖精化學果汁，奶精茶。呢度既果汁真材實料，日日飲都無問題，只會愈飲愈健康 😁