影片
更多
2022-07-28
664 瀏覽
今日有事要嚟小西灣，臨走前過左去「本灣市場」行下。印象中從來無嚟過呢個街市，原來入面裝修得咁靚，以鮮艷色彩為主調，而且場內仲有唔少食店，啱晒我哋兩個為食鬼，一於逐間行下。被這家間取名「The Vigor」嘅小食店吸引，食物款式非常多，除左炸物、意粉、飯類等之外，甚至連牛角包、鐵板燒都有，選擇好豐富。睇中左個二人套餐 ($168)，可以自選兩份炸物(炸雞髀/單骨雞翼)，一款意粉同兩款$28 或以下嘅小食，$28 以上可補差價。食物全部都係即叫即製，誠意十足。炸雞髀超大隻，拎起嚟非常墜手，雞皮咬下脆卜卜，食到滿嘴油香。雞肉嫩滑不韌，而且勁 Juicy，入口完全冇油膩感。單骨雞翼水準亦不俗，唔會炸到過晒火，咬落去肉質仲好鮮嫩，啖啖都有肉汁，而且調味亦啱啱好，帶點辛辣，加上單骨，食起嚟好方便。黑松露鮮蝦帶子炒意粉：意粉炒得好香口，乾身不油，一打開盒蓋便即時傳來陣陣松露嘅幽香。配料亦唔馬虎，鮮蝦同帶子都鮮味十足，另外仲有蘆筍、鮮菇同翠玉瓜，配意粉吃，啖啖滋味。小食揀左雜菌炒蘆筍 (+$15) 同 炸雲吞。蘆筍好新鮮，入口翠綠清甜。雜菌質感爽嫩，帶菇菌嘅天然芳香，而且食落唔會太鹹太膩，香口惹味。炸
今日有事要嚟小西灣，臨走前過左去「本灣市場」行下。
印象中從來無嚟過呢個街市，原來入面裝修得咁靚，以鮮艷色彩為主調，而且場內仲有唔少食店，啱晒我哋兩個為食鬼，一於逐間行下。
被這家間取名「The Vigor」嘅小食店吸引，食物款式非常多，除左炸物、意粉、飯類等之外，甚至連牛角包、鐵板燒都有，選擇好豐富。
睇中左個二人套餐 ($168)，可以自選兩份炸物(炸雞髀/單骨雞翼)，一款意粉同兩款$28 或以下嘅小食，$28 以上可補差價。食物全部都係即叫即製，誠意十足。
炸雞髀超大隻，拎起嚟非常墜手，雞皮咬下脆卜卜，食到滿嘴油香。雞肉嫩滑不韌，而且勁 Juicy，入口完全冇油膩感。
單骨雞翼水準亦不俗，唔會炸到過晒火，咬落去肉質仲好鮮嫩，啖啖都有肉汁，而且調味亦啱啱好，帶點辛辣，加上單骨，食起嚟好方便。
黑松露鮮蝦帶子炒意粉：意粉炒得好香口，乾身不油，一打開盒蓋便即時傳來陣陣松露嘅幽香。配料亦唔馬虎，鮮蝦同帶子都鮮味十足，另外仲有蘆筍、鮮菇同翠玉瓜，配意粉吃，啖啖滋味。
小食揀左雜菌炒蘆筍 (+$15) 同 炸雲吞。蘆筍好新鮮，入口翠綠清甜。雜菌質感爽嫩，帶菇菌嘅天然芳香，而且食落唔會太鹹太膩，香口惹味。
炸雲吞味道亦唔錯，隻隻嘅外形都好飽滿，入口熱辣香脆，蝦鮮肉甜。
另外仲加左 2 樽冷泡茶：高山翠綠 (+$12) 同 白桃烏龍 (+$12)，兩款都係店舖自家浸泡，前者色澤翠綠鮮活，而後者亦茶味突出，回甘中帶白桃甜香。
張貼
