美味餃子店 (已搬遷) 新店位置

終於有機會一試餃子。先叫咗煎韮菜餃併白菜餃(細)，齋睇賣相(遠觀)就已經知道好脆好香口，但近睇就會知道咁香口咁脆的原因係落咗大量的油去煎，出得嚟食就預咗ga la！一食就食到隻韮菜餃，好重的韮菜味，正！再食一隻白菜餃，好清新爽口的味道，舒服！實在癮唔住要試埋湯餃，就叫咗湯白菜餃。野葛菜湯唔係人人受得，我就係其中一個，唔慣嗰啖苦苦地的味道，其他飲得慣的食客就連湯都飲晒。白菜餃配湯食係另一種味道，有湯潤下個喉，更能突顯白菜的清新味道。一路食隔離就一路包，大概我食一隻佢就包兩至三隻，隻隻大細一樣，就連疊紋數目都一樣，保證新鮮即做，絕無偷工減料！未到八點白菜餃就已經售罄，應該係必食首選！