歡樂大排檔

營業中

休息中

放咗工，即慶約咗成班朋友去慶祝小弟生日，諗住係長沙灣工司附近食飯，經過元州街見到有間新開張歡樂大排檔，裡面裝修幾懷舊幾特別，於是入去一試！ 大排檔最講嘅就係鑊氣，佢哋嘅明蝦炒球，椒鹽鮮魷， 蝦多士同鼓油皇炒麵都做得幾出色！可能新開張原故，上菜較為慢, 老闆sam哥見我哋落佐order 都末有餸菜上碟，佢送咗碟叉燒比我地飲住酒等菜上，非常之好客！另一驚喜， 價錢確實公道，冇加一茶芥，埋單都唔使千三蚊，圍起每人都係百五蚊一位，以後放工係長沙灣又多個飯堂！