海景咖啡廊

營業中

休息中

去staycation揀左自助晚餐套票，我地星期一食，自助餐時段好長, 6點半食到10點。超級多款式, 淨係沙律都有5款, 刺身有7款咁多, 熟食多到數之不盡。時間好夠，可以食晒咁多野，但個胃唔容許我試晒。成晚我地覺得最好食嘅係鴨肝同羊架, 食完會再去拎黎食。而凍海鮮方面就唔係咁得，好重雪味...蟹腳咬落似急凍左解返凍但吸晒雪水咁。有驚喜嘅係韓式牛肉粉絲鍋，辣辣地幾惹味又開胃。最令我不忿嘅係酒店係當日1點幾先send訊息黎話無生蠔，所以大家食之前最好打去問下先，食自助餐無生蠔食真係無晒心情，不過出黎玩都係為左開心，唯有調節下自己喇，見到咁多款都食得開心嘅。