YKK建榮

營業中

休息中

以前返工成日係以附近食飯，今日去附近工廠區拎野，所以重遊舊地黎屯門工廠區搵食。黎到YKK建榮大排檔，有小菜、打邊爐、雞煲、烤魚鍋，我地都係鐘意打下邊爐，傾下計。我地叫左卜卜蜆鮮魚湯打邊爐，煲入面材料有超多娃娃菜、粟米，沙白，娃娃菜同粟米索晒湯汁，真係好好味，湯底呈奶白色，湯底超級鮮甜，未試過打邊爐係咁飲晒D 湯，太好飲了，冇味精，最緊要飲完唔口渴我地點左小小邊爐材料，美國肥牛片、即炸芝士響鈴、牛柏葉、手打墨魚滑，抵食夾大件，真係好大碟，特別芝士響鈴，即炸架，真係買小見小，仲脆卜卜，下次要試埋即炸紫菜響鈴，另外手打墨魚滑，爽口彈牙，牛柏葉勁爽口，一D都唔韌。