影片
更多
2017-05-26
69 瀏覽
現在能吃到即燒乳豬的酒樓真的寥寥可數，好友J小姐好喜歡食乳豬咁就即管搵下有冇邊間好味的乳豬同佢去撐枱腳啦！現在能吃到即燒乳豬的酒樓真的寥寥可數，好友J小姐好喜歡食乳豬咁就即管搵下有冇邊間好味的乳豬同佢去撐枱腳啦！比我搵到呢間打正旗號賣即燒乳豬的 ，一於訂位同佢吃乳豬啦！酒家格局有點懷舊，好有90年代的酒家feel，對我嚟講好有親切感！用上古雅鯉魚作餐具圖案充分帶出中菜的味道，點上一壺香片味道很甘醇芳香必是佳品，現時在酒樓想飲靚茶也非易事啊！很久沒見過酒家檯上有蕎頭，如果有埋皮蛋酸薑就正喇(妄想中)！兩個女人仔不能點太多嘢喇！當然一定要有J小姐最喜歡的乳豬啦！不過佢好怪唔愛食皮㗎只愛乳豬肉，我呢個朋友真係好鬼特別囉！另外再點多份滷水豬腳仔慢慢嗒！滷水豬腳仔＄68豬腳位置經已去骨所以吃得十分爽皮，滷水香氣唔太過俗，豬腳仔皮十分爽脆唔會過淋，可惜我哋兩個都有病在身如果唔係叫支啤酒真係正到爆呀！金牌即燒乳豬王＄150／例牌，豬皮烤得也算香脆，皮下脂肪經已去掉， 反而乳豬肉就較為肥美，好彩J小姐吃得十分滿意！連同乳豬會跟上 一籠包包足足有六塊之多，就算包身熱燙軟熟凍了亦然，放上乳豬伴點上乳豬醬同
比我搵到呢間打正旗號賣即燒乳豬的 ，一於訂位同佢吃乳豬啦！
酒家格局有點懷舊，好有90年代的酒家feel，對我嚟講好有親切感！
用上古雅鯉魚作餐具圖案充分帶出中菜的味道，點上一壺香片味道很甘醇芳香必是佳品，現時在酒樓想飲靚茶也非易事啊！
很久沒見過酒家檯上有蕎頭，如果有埋皮蛋酸薑就正喇(妄想中)！
兩個女人仔不能點太多嘢喇！當然一定要有J小姐最喜歡的乳豬啦！不過佢好怪唔愛食皮㗎只愛乳豬肉，我呢個朋友真係好鬼特別囉！另外再點多份滷水豬腳仔慢慢嗒！
滷水豬腳仔＄68豬腳位置經已去骨所以吃得十分爽皮，滷水香氣唔太過俗，豬腳仔皮十分爽脆唔會過淋，可惜我哋兩個都有病在身如果唔係叫支啤酒真係正到爆呀！
金牌即燒乳豬王＄150／例牌，豬皮烤得也算香脆，皮下脂肪經已去掉， 反而乳豬肉就較為肥美，好彩J小姐吃得十分滿意！
連同乳豬會跟上 一籠包包足足有六塊之多，就算包身熱燙軟熟凍了亦然，放上乳豬伴點上乳豬醬同吃確是十分滋味呢！
是日特價精選有蒜蓉蒸日本元貝每隻＄38／兩隻起，大大隻又飽滿的元貝確實真材實料，這個價錢真的十分抵吃。
選了蒜蓉粉絲蒸香口又惹味，粉絲索盡元貝精華滋味無窮，而元貝亦蒸得恰好入口軟滑有彈性又鮮甜很美味。
最後點多一碟金銀蛋濃湯浸莧菜＄98，難得鹹蛋白還是滑溜非常，加上香濃的蒜子，皮蛋配合濃湯味道真的十分濃郁，而莧菜亦都嫩滑可口沒丁點渣滓煮得十分出色。
飯後甜品腐竹薏米糖水係酒家送的，味道不會太甜有好香的腐竹味，內裡還有粒粒薏米咬口十足，吃罷身心舒暢估不到送贈的糖水也這樣足料好味。
張貼
