影片
更多
2023-01-30
1124 瀏覽
老細突然嗌食開年飯，佢話好想食片皮鴨，所以揀咗去北京樓。由於即興冇訂枱，6pm去到已經7成滿座，因為未齊人，所以等咗15分鐘先拎枱，結果7點先有枱可以入座。😩本來想嗌餐，但因為有人想食水煮魚，又驚單點多一個會食唔晒，所以最後全部嘢散嗌。叫咗一隻片皮鴨兩食，水煮魚，奶油津白，小籠包，素鴨同醉雞，味道只可以話係不過不失，比星光行嗰間差（星光行嗰間其實已經差咗好很多），其中個醉雞酒味好淡，奶油津白就個菜ok，鋪面啲金華火腿勁難食，而且小籠包唔夠熱，咬落冇乜汁，失敗！☹️☹️主打嘅片皮鴨算係比較ok，送嚟時個皮都仲脆，唔太油，但配菜嘅京蔥絲同青瓜絲就少得可憐，尤其係京蔥絲只係得青瓜嘅一半，可惜，而個炒鴨鬆相對就更一般，包鴨鬆嘅生菜得4、5片，完全不成比例。而水煮魚完全唔夠辣，啲魚仲少得可憐，大部分都係薯粉同萵笋絲。食完主菜有人提議食甜品，嗌咗一個拔絲香蕉，豆沙鍋餅同雪糕芒果楊枝金露（個楊枝金露等到食完其他嘢都未嚟取消咗）。個豆沙鍋餅唔似傳統豆沙鍋餅，感覺有啲似夾咗豆沙餡嘅薄餅，而個拔絲香蕉則有驚喜，唔會太甜，做到外脆內軟，外皮唔算太厚，鋪面嘅麥芽糖絲好脆口，係成餐最好食嘅嘢。之前睇食評，啲人話有畀
本來想嗌餐，但因為有人想食水煮魚，又驚單點多一個會食唔晒，所以最後全部嘢散嗌。叫咗一隻片皮鴨兩食，水煮魚，奶油津白，小籠包，素鴨同醉雞，味道只可以話係不過不失，比星光行嗰間差（星光行嗰間其實已經差咗好很多），其中個醉雞酒味好淡，奶油津白就個菜ok，鋪面啲金華火腿勁難食，而且小籠包唔夠熱，咬落冇乜汁，失敗！☹️☹️
主打嘅片皮鴨算係比較ok，送嚟時個皮都仲脆，唔太油，但配菜嘅京蔥絲同青瓜絲就少得可憐，尤其係京蔥絲只係得青瓜嘅一半，可惜，而個炒鴨鬆相對就更一般，包鴨鬆嘅生菜得4、5片，完全不成比例。而水煮魚完全唔夠辣，啲魚仲少得可憐，大部分都係薯粉同萵笋絲。
食完主菜有人提議食甜品，嗌咗一個拔絲香蕉，豆沙鍋餅同雪糕芒果楊枝金露（個楊枝金露等到食完其他嘢都未嚟取消咗）。個豆沙鍋餅唔似傳統豆沙鍋餅，感覺有啲似夾咗豆沙餡嘅薄餅，而個拔絲香蕉則有驚喜，唔會太甜，做到外脆內軟，外皮唔算太厚，鋪面嘅麥芽糖絲好脆口，係成餐最好食嘅嘢。
之前睇食評，啲人話有畀番個鴨殼畀佢哋打包拎走，但我哋冇，因為唔係我負責落單，唔知係咪落單嗰陣要揀埋🤔🤔
片皮鴨
26 瀏覽
0 讚好
0 留言
炒鴨鬆
25 瀏覽
0 讚好
0 留言
灌湯小籠包
21 瀏覽
0 讚好
0 留言
水煮魚
32 瀏覽
0 讚好
0 留言
奶油津白
22 瀏覽
0 讚好
0 留言
醉雞
18 瀏覽
0 讚好
0 留言
素鵝
23 瀏覽
0 讚好
0 留言
豆沙鍋餅
29 瀏覽
0 讚好
0 留言
拔絲香蕉
29 瀏覽
0 讚好
0 留言
張貼
