蒸廬 (Plaza88)

營業中

休息中

又過到嚟荃灣，今次就過咗嚟飲茶！要飲茶咁就當然搵間良心小店啦！呢間良心小店，我都食過嘅，不過喺紅磡今店！今次過到嚟，又要再試試！今次比上次更有進步！今次叫咗都幾多點心食！首先有個陳村粉！味道都唔錯嘅！唔算太鹹，有少少蔬菜，仲有蝦既！雖然蝦就比較普通！但整體上都滿意嘅！令我好難得遇到蛋散！真係好少地方有得食！蛋散都炸得好脆既！又唔算太甜，仲配上好多花生添！味道直頭一流！非常滿意至於牛柏葉，個汁都好澧既。但係唔算話太鹹。味道食落去，直頭係回味，同埋牛柏葉都係比較少見！配上蘿蔔絲，直頭係完美！至於牛肉方面，剛剛好熟，咬落去熱辣辣，配上喼汁！味道更佳、啲牛肉都幾大粒！都有少少牛味！燒賣方面，入面有蝦同埋豬肉，啲豬肉就肥咗少少，但係都可以嘅，唔肥唔好食㗎！蝦都唔錯嘅！賣相都OK呀整體來講，荃灣分店俾以前紅磡分店表現更加理想！值得一試！服務態度方面OK嘅！