譽小館 (已易手) 新餐廳

摯友今日過嚟接我放工，沿路行過商埸睇吓入面有咩食，見呢間有粥、麵、點心、盅飯，咁就呢度啦。2個人唔太餓,叫住少少野食～譽小館蝦蛟皇：大大粒皮薄餡多，係好實在嘅蝦蛟。黑松露帶子蛟：皮薄餡多，松露仲落得幾重手，香氣湧晒出嚟啦。沙律蝦春卷：脆卜卜，每啖有蝦肉，我覺得食緊炸過嘅沙律咁呀！順德爆魚骨腩：呢個魚皮好酥香，魚肉鮮滑，食完即刻覺得吸收咗Omega-3同埋鐵質咁嘅～椰汁馬豆糕：面層放咗塊啫喱，黃色襯白色係幾靚，唔算太甜，若椰汁加多D會更受落。總括吓呢度唔錯㗎，空間感足夠，職員慇懃快手，食物即製又唔駛等好耐，下次經過可以再嚟。