影片
更多
2020-11-24
89 瀏覽
今日又去到元朗覓食😋 Masam係元朗廣場附近嘅一堆小食店之一。呢間新開嘅漢堡店，舖位唔算大，但設有兩邊bar枱，外賣或堂食都可以😉Burger選擇非常多，個個都好吸引🤤 價錢又好抵食，幾經辛苦先揀到兩款🙈 如果想試多啲款式嘅話，真係要叫多啲朋友黎一齊食先得😅所有野食即叫即整，大概等十分鐘左右，等候期間可以係餐廳嘅黑板牆上面畫下畫😛🥩 自家製牛肉鵝肝漢堡 ($98)麵包面佈滿芝麻，包嘅底面都有烘過，好香芝麻味，個面烘到脆脆地🤤 成個包好足料，手打漢堡非常厚身，再加埋煎香咗嘅鵝肝，一路食，啲肉汁同鵝肝油一路流出黎，好邪惡🙈🙈 配有生菜同紫洋蔥，中和返個罪惡感🤪咁多料嘅漢堡正常人應該唔可以一啖咬到底🤣 所以餐廳亦好貼心咁提供咗手套比客人，同埋無將包面蓋上，可以分開食，亦方便影相呃like😍📸️另外，如果鍾意食鵝肝嘅，仲可以揀雙鵝肝漢堡($148)😆 不過個人覺得其實單鵝肝都已經好夠，因為真係好足料🤤😆🦀 軟殼蟹炒蛋漢堡 ($68)成隻炸軟殼蟹放咗喺個包上面，好誇張😂😂 視覺效果一流🤩 軟殼蟹即叫即炸，新鮮熱辣辣，相當香脆鬆軟，炒蛋好嫩滑，製作成一大塊玉子燒咁，好特別，食嘅時候無咁易跌晒出黎😇
Burger選擇非常多，個個都好吸引🤤 價錢又好抵食，幾經辛苦先揀到兩款🙈 如果想試多啲款式嘅話，真係要叫多啲朋友黎一齊食先得😅所有野食即叫即整，大概等十分鐘左右，等候期間可以係餐廳嘅黑板牆上面畫下畫😛
🥩 自家製牛肉鵝肝漢堡 ($98)
麵包面佈滿芝麻，包嘅底面都有烘過，好香芝麻味，個面烘到脆脆地🤤 成個包好足料，手打漢堡非常厚身，再加埋煎香咗嘅鵝肝，一路食，啲肉汁同鵝肝油一路流出黎，好邪惡🙈🙈 配有生菜同紫洋蔥，中和返個罪惡感🤪
咁多料嘅漢堡正常人應該唔可以一啖咬到底🤣 所以餐廳亦好貼心咁提供咗手套比客人，同埋無將包面蓋上，可以分開食，亦方便影相呃like😍📸️
另外，如果鍾意食鵝肝嘅，仲可以揀雙鵝肝漢堡($148)😆 不過個人覺得其實單鵝肝都已經好夠，因為真係好足料🤤😆
🦀 軟殼蟹炒蛋漢堡 ($68)
成隻炸軟殼蟹放咗喺個包上面，好誇張😂😂 視覺效果一流🤩 軟殼蟹即叫即炸，新鮮熱辣辣，相當香脆鬆軟，炒蛋好嫩滑，製作成一大塊玉子燒咁，好特別，食嘅時候無咁易跌晒出黎😇 再加上酸酸甜甜嘅醬汁，蕃茄同生菜好新鮮好爽脆😋
所有漢堡都可以加$20轉套餐有飲品同薯條🥤
🧀 芝士肉醬薯條(+$15)
十分邪惡嘅芝士肉醬配埋粗薯條🤯 邪惡在佢有啲蕃茄醬酸酸地，食落唔會覺得heavy，令人不知不覺係咁食哂😂😂😂
芝士肉醬薯條
9 瀏覽
0 讚好
0 留言
🍟 芥末薯條（期間限定）(+$5)
最鍾意就係期間限定🤩 芥末同埋薯條本身都係比較少一齊出現嘅組合，食落少少攻鼻咁，出奇地好夾😋好有驚喜😛
🍹冰鎮檸檬茶、柚子茶(+$8)
食完咁豐富嘅一餐之後，配埋支冰凍嘅檸檬茶同埋柚子茶，酸酸甜甜，讓口腔清新一下，當堂冇晒啲飽膩感😛又可以再食過😚 掂！
整體來講，食物嘅賣相同味道都好吸引📸️😋價錢又好實惠，最平嘅burger都只係$39🤩 製作用心，小食又好高質😋 啲burger就真係好巨型，又非常足料，兩個女仔可能share都夠食🤣 用餐期間留意到，都好多外賣平台嘅外賣員黎取餐，如果想足不出戶嘅，都可以考慮下😋
張貼
