不忘 (已結業)

經過韓國街又有少少肚餓，就諗住入去食個輕食。小店選擇唔多，我哋每人叫咗個腸粉+餃子餐。腸粉可以自選配料，餃子就有3款可以選，我選咗香菇肉碎腸粉、韮菜豬肉餃。見住佢哋真係即叫即做，所以大家要等耐少少。餃子先到，個湯底幾好飲，餃子皮亦都唔錯，厚薄適中，餡料份量夠。食完餃子就嚟腸粉，腸粉皮夠滑，覺得佢哋真係好用心造。餡料夠香，份量亦都多，唔似有啲舖頭得幾粒肉碎。其實無諗過兩樣食品份量都咁充足，結果食到飽咗。