School Food (已結業)

貓爪子美食1) 烏卒卒2) 卡邦尼年糕3) 泡菜炒飯價錢HK$120/人貓爪子希望記下喜歡的香港食物是日去完海洋公園，出返嚟都成9點幾諗住不會太多人唔洗排隊，點知去到都係大約等成7,8張台。一場嚟到, 見又有位坐下，第２日又唔洗返工，等就等啦，死就死啦！入座後立即叫野食，最先上桌的是烏卒卒 - 墨魚汁飯卷，貓爪個人對墨魚汁的食物有情意結，而呢碟烏卒卒可以說一入口就即愛上，紫菜的味道出色，咬落有點點煙軔的墨魚肉，伴著微辣的醬菜，整個組合我覺得值滿分，一口一件，真係停唔到口。卡邦尼年糕，狂完吃烏卒卒，見到卡邦尼年糕後有一點點膩。但Fusion 野點都試下，卡邦尼汁非常濃稠痴身，年糕幾煙軔亦唔會太硬身，份量雖然不多，不過咁滯的食物，試下就夠。泡菜炒飯，做得幾出色，２人來說分量都算很多，對於非常怕辣的我，雖然吃著吃著感覺會愈來愈辣，但泡菜、紫菜、雞蛋的比例分配的很好，食落其實好香口幾好味，不過吃過都會覺得有點口渴。總括來說School Food 真係幾好食，而且價錢唔算貴，唔怪得有咁多人排隊。有機會少人Ｄ既時候會再光顧，試下其他卷物。