職人食事 (石水渠街)

營業中

休息中

放假同屋企人遊車河, 打算係附近買外賣返屋企食。揸車經過比我見到呢間日料小店, 售賣多款刺身、壽司、丼飯等。價錢唔貴, 決定買返去同家人分享。店內有少量堂食位置落order後師傅隨即製作, 剛好比我見到新開原條三文魚。刺身魚生飯: 最豐富嘅一款魚生飯, 擺盤吸引, 所有刺身都好新鮮又厚切, 包括有超肥美爽甜赤蝦、三文魚、左口魚、八爪魚、帆立貝、立魚、三文魚籽、蟹柳、甜蛋。呢個價錢可以食到咁多款刺身, 好抵!!三文魚油甘魚飯: 油甘魚好厚切, 甘香鮮味有魚香, 配上三文魚, 美味又飽肚。三文魚刺身(8片)每片刺身都好厚切, 滿足到口感, 其中有兩片仲係三文魚腩, 爽滑又帶豐富魚油, 魚香味十足, 大愛!!帆立貝壽司帆立貝肥美鮮甜, keep到原汁原味。左口魚裙邊壽司雖然冇揀火灸, 不過左口魚裙邊有少少厚度, 微爽又食到本身魚油。甜蝦壽司甜蝦很鮮甜鰻魚壽司鰻魚上掃上了鰻魚醬油, 鹹甜美味。