大家樂

營業中

休息中

好耐無食過大家樂嘅厚切焗豬扒飯，心血來潮，晏晝就去咗食喇😂。 晏晝嚟講都算幾抵，$43再送係一杯14安士嘅凍檸樂。飯依舊係炒飯底，亦照舊有茄汁、番茄、芝士同洋蔥。豬扒都一樣咁大塊，味道都咁好。唔知我有無記錯，往日嘅一哥焗豬扒飯，塊豬扒有層薄薄嘅蛋包住，現今嘅厚切焗豬扒飯就好似唔見咗果一層薄薄嘅蛋喇😞😞。凍檸樂就無咩特評價喇。😅😅大家樂雖然有回收餐盤車，可惜好多時都滿哂無職員清理。加上依舊好附人都仲係依完起身就走，食客自覺咁拎自己嘅餐盤去回收餐盤車嘅意識仍然未夠。大家樂應該再加強推廣一下喇。