Hungry Monkey (海之戀商場) (已結業)

終於試到呢間餐廳嘅厚切牛舌了，一個字，掂。午餐#9：厚切牛舌（$108）午餐包沙律、麵豉湯，前菜（凍豆腐）、炒飯、汽水。厚切牛舌即叫即製，應該係用鐵板燒煮。有六舊，厚度比坊間好多餐廳都要厚，牛舌外層微微焦香，裡面軟腍，仍然呈現粉紅色，煮得啱啱好，舊舊爽口彈牙，完全無筋又唔韌，調味有鹽同黑椒，味道恰到好處。炒飯應該都係鐵板燒即炒，夠乾身，唔油膩，飯係用珍珠米。真心講，比起好多標榜食牛舌嘅專門店好味，暫時係我心目中香港No.1食牛舌（厚切）嘅餐廳。PS：另收加一服務費。