波士頓餐廳

營業中

休息中

由於之前嚟食過覺得出品幾好，所以我們今晚再去灣仔盧押道嘅「波士頓餐廳」食晚飯！我們叫咗炸德國鹹豬手嘅外層炸到又乾又硬，一啲都唔酥脆，肉質亦都係「硬實實」咁，一啲都唔鬆軟，簡直係炸到過晒火！T骨牛扒嘅肉質好爽滑鬆化，肉味亦好香濃！厚切西冷扒係咁多款之中我們最欣賞嘅，因真係好厚切，口感非常豐富，肉質相當鬆軟嫩滑，而且亦可以做到我們要求7成熟嘅效果！香煎原條龍脷魚嘅外層煎得好香口脆身，而且可以原片咁撕開魚皮，見到入面係熱辣辣兼相當嫩滑嘅魚肉，至於意粉嘅麵質就極之腍身，無咗應該有嘅煙韌感！