星洲名廚 (已結業)

識揸車其實係一件好幸福既事，雖然我唔識，但我慶幸我有一個識揸車既老公，所以佢可以車我周圍去食好東西🤫🤫 今日返工前就黎左土瓜灣食星州名廚。黎到門口綠色既門牌已經非常突出。 入到去鋪頭唔算大，已且擺位相當迫。午餐都算好抵食，有飯有湯有野飲，價錢都只係由$44蚊起知道呢度一向出名厚切厚豬扒飯，所以我叫左黎試。厚切豬扒可以揀配鼓油撈麵、咖喱飯煎蛋飯、椰漿飯，或者叻沙。最後我叫左椰漿飯因爲從來都未試食過。塊豬扒真係好厚好大。椰漿飯椰味唔算濃，第一啖食落去食唔出椰味，再食多一啖，慢慢再細味，椰漿味終於都出了，椰漿同個飯既味道其實都幾夾。塊豬扒好入味，肉質好嫰淋，同埋真係好大塊，有機會會再黎食下🤤🤤。