當下 (和富道) (已結業)

疫情下，已經有一段時間無出街食晚飯，難得可以同另一半撐枱腳，精心揀出呢間有格調、有質素嘅西餐廳 - 當下。碳烤頂級西班牙黑毛豬$238黑毛豬扒厚度驚人，優質豬肉唔怕點8成熟，切開中間肉色粉嫩，仲有肉汁流出，非常高質！薯角沾上肉汁仍保持脆度，整道菜實在冇咩可以挑剔。芝士汁海鮮焗德國農夫包$168農夫包鬆軟可口兼備，青口夠大隻，蝦肉爽口，裹上濃厚醬汁，芝士味豐盈。Lemon Crush，加入檸檬皮幼絲咬落微甜回甘，食飽飲返杯啱曬。