八沢 (已結業)

之前有個鰻魚控既朋友發現上環有一間餐廳有一桶鰻魚飯供應，所以今日約左我去一齊試下！我哋入到去見到左面有柴犬既壁畫，右邊有日本歌姬。因為要等朋友放工，黎到已經3:30，我哋叫左一桶鰻魚飯同一串厚燒牛舌、一串鹽燒白鱔。當鰻魚飯黎到既時間，我同朋友都兩眼發光，完桶上既鰻魚飯真係第一次見，一打開都不禁「哇」左一聲，好多厚厚既鰻魚舖起，金黃金既滑蛋上面。每一件都好厚好大件，完全滿足到鰻魚控既視覺需要，佢哋唔係用普通既燒汁，而係用手磨薑再加上自家汁，鰻魚燒到邊緣脆脆的，啖啖肉並帶有一點薑的味，最後我哋每人食左四碗先消滅得曬一桶飯。如果用埋珍珠米就一流👍🏼而串燒都係起水準，厚厚既牛舌燒得外脆內軟，保留到原來既肉汁，一啲雪藏味都無。如果唔係超級飽，真係想再叫燒鱔，皮係脆脆的，但肉質鮮美多汁。今次真係捧腹而回😂我仲見到佢有沾烏冬，下次會再試其他野食👍🏼