岸久巿場 (已結業)

H8呢棟野真係好多餐廳，諗唔到有咩食嘅可以去嗰度樓下搵搵。今次揀咗呢間岸久市場，個名幾有趣；另外睇宣傳，食物款式算多樣環境尚算寬敞，主要以木系裝飾價錢中上，所以除咗叫生蠔、浜燒，仲叫d飽肚d嘅，包括炊飯、手捲個漁師沙律顏色鮮豔，味道酸甜，幾開胃，另外入面料都幾豐富，除咗菜仲有幾足嘅櫻花蝦同埋魚生，無論口感同埋味道都更豐富，終於食沙律唔洗淨係咬菜上菜速度真係幾快...沙律都未食完已經上咗手捲，我原本以為係卷好咗先上，原黎要自己卷，我大概卷成圓柱狀就算😂因為卷唔到錐體狀，我點嘅係墨魚面，因為我勁鍾意食墨魚爽口脆身嘅口感，卷之前記得加返d醬油同埋芥末，因為手卷味道本身偏淡，我一開頭冇加夠醬油搞到味道好淡見佢地牆上推介生蠔，所以都叫半打試試，賣相的確幾靚，一個大桶裝住，好有格調，食落未算全部都特別肥，但礦味海水味夠重，一人3隻差唔多啦食完蠔之後，浜燒都上咗，由於呢度工作人員唔多，所以要自己落手落腳去燒，本身冇乜經驗嘅，都幾狼狽。圖中最大嗰款蚌係最好食，因為加上清湯燒，鮮味非常突出，蝦燒乾咗後就略為遜色最後食埋炊飯就都飽架喇，飯味道唔錯，畢竟用高湯去煮，而且加咗芝士、飯素、紫菜