福岡漢堡扒 (厚福街) (已結業)

好耐無出街食飯啦😂 至從搬左港島區就真係少左過九龍區食飯🍽 因為之前社交平台見到朋友tag左我話想食呢間新開既餐廳，加上佢又生日，好啦！咁我就出山陪佢食個飯😂我地收工8點約定係門口等，果然係新開餐廳，門口已見人龍，但係條龍都好快，大約10分鐘已經可以安排入坐😀 同時職員都會係門口比定menu你睇，等你一坐低就可以叫得！啱晒我呢d每次食飯都要諗好耐嘅人🥴其實一坐低餐紙都有教你應該點去食呢個鐵板漢堡扒，但職員都好細心，係每次上餐都會再講一次。 而且因爲係鐵板同熱石，佢地都會好小心去上餐同收餐，擔心d醬汁會滴係客身上😚落單後，職員都會重覆一次落既食物然後提醒我可以先拎面前餐具可以自己再消消毒，之後佢就會拎個餐具筒令到枱有更多既空間，咁有心既職員真係要加分💯每個餐都有飯+湯+沙律+泡菜+調味(鹽+燒肉汁)，食晒所有都真係已經飽飽。講返味道：每件漢堡扒都好多肉味，大概因為係和牛關係，就算點煎得乾，肉質本身都一定既油份，加上有唔同既配搭，味道真係出奇地match🤤🤤🤤.最值得一讚係，你依為燒肉後一定會有好濃烈既燒肉味痴係身？你錯啦，因為佢抽風真係做得好好，食完行出鋪真係一d味都無！勁！