Y Show Tasty (已結業)

喺尖沙咀厚福街真係超多好野食～嗰日諗住同男朋友撐吓枱腳 就嚟左呢間幾浪漫嘅西餐廳食飯🍴💕我地嗌左兩個main share食😆五香牛頰伴黎麥飯都幾特別～平時多數都係食五香肉丁麵 五香牛肉真係少見👀牛頰肉好濃郁嘅牛味 肉質都超級嫩滑juicy😚份量都幾多！最鍾意係佢個底唔係配白飯 係配黎麥飯 有口感之餘又健康啲👍🏻另外仲嗌左個泰式冬陰功海鮮意大利飯 將西式risotto溝埋泰式嘅冬陰公 酸酸辣辣 惹味夠開胃🥰最鍾意就係個爽口彈牙嘅蝦同泰國小茄子🍆茄子好軟腍 索晒啲醬汁❤️意大利飯飯粒煙韌有咬口 粒粒都比汁包住 好creamy!!