羅勇泰國粉麵 (已結業)

又到Happy Friday, 今晚約左朋友update下大家近況，我地約左係尖咀，因為無book位既關係，我地就隨意去厚褔街睇下有咩好食，行過好多間都排好長龍，見依間餐廳唔係特別多人就選左依間。我地三個人叫左一飯一粉同兩個小食。海南雞飯 - 雞肉份量不少，而且無骨，皮下脂肪唔厚，有鷄肉鮮味，肉質入口感覺頗嫩滑，仲送一個椰子雞湯，朋友話覺得好清甜。豬手湯金邊粉 - 湯底濃味，豬手滷至上色入味，豬皮油潤並略帶膠質黏感，瘦肉位都夠腍，再配搭脆嫩的通菜香葉。雞肉、牛肉、豬肉串燒 - 呢個都好味 燒得夠香 而且唔会失去肉既味道 加上沙嗲醬好味。泰式燒魷魚筒 - 大大隻鮮魷魚筒原隻上碟，賣相吸引好新鮮，可以一咬即斷，入口相當爽口。另外我地重每人叫左野飲，依到既汽水係樽裝。