川霸王 (已結業)

見好多office人黎買外賣就試下，我坐canteen 既common area, 疫情嘅關係無咩人，所以都坐得舒服。霸王粉麵，任選三款餸，我地兩個人要左油麥菜，金菇，雲吞，仲有要加兩蚊嘅腩肉片，羊肉，魚肉。咁多款餸中，最鍾意魚肉，驚喜在夠厚身又大塊。小食雞絲粉皮都幾大碗，沾滿曬醬汁。我選咗酸辣既bb辣，真係好bb level,下次黎要挑戰高啲嘅級數。紅薯粉好飽肚，而兩碗麵都好大碗，再$12加咗一個小食同一枝樽裝冷泡茶；對於女士嚟講，真係好夠飽。冷泡茶係店自家的，樽面貼有川霸王既公仔logo，裡面有一大個茶包。冰涼嘅鐵觀音清熱降火，解毒消食。