傷心酸辣粉 (已結業)

香港地，人多車多，藥房多，珠寶店多，其實好多野都多，但原來仲有一樣野就係........食米線既舖頭都好多下宜家香港一般米線舖頭有，譚仔雲南、譚仔三哥、雲桂香、川味、傷心酸辣等等等等，而岩岩講尼幾間都係比較多人食既，當然仲有一啲小店啦，各有特色有一間其實一直都未去過，就係今之既主角「傷心酸辣粉」，平時去譚仔、雲桂香比較多，今次係朋友遊說之下、一於去試下佢個裝啦除左單點外，佢既套餐都好抵食，店員仲會教你點樣叫最抵食添首先叫左一個小食中辣豬耳，爽口不在下話，而且好夠味，值得一試！另外，叫左「傷心酸辣粉」比較出名既薯粉，配上墨丸、大腸，湯底就揀左酸辣，雖然湯底唔係太特別，但我覺得個薯粉好好食，煮到岩岩好好彈口，而且可以吸收到湯既味道，令到成碗野更上一層樓