kikusan (已結業)

希慎廣場地點 OK。枱與枱之間嘅距離都 OK。明明話係上海菜 crossover 日本菜，但我點嘅偏偏都係上海菜：豚肉小籠包：OK，正常，皮可以更薄。煎韮菜豚肉餃子：呢個驚喜喎，大大隻，有肉汁，韮菜比例唔太多又啱啱有啲味，如果塊皮煎得再脆啲就正喇。紅油抄手：雖然肉饀同煎餃子一樣，但紅海抄手來講皮太厚兼奇形怪狀，而且重麻感 (麻辣嘅麻 - 我同外子都唔喜歡)。千層豬扒擔擔烏冬(轉拉麪)：湯偏稀，無花生香，重麻感 (麻辣嘅麻 - 我同外子都唔喜歡)，蓋過咗對塊豬扒同麪嘅任何感覺。埋單時問有無 yuu 會員，才知道係美心集團。