影片
更多
2009-08-11
8 瀏覽
呢件事是發生在我朋友身上, 我聽後替她太不值, 所以決定要寫呢件事出來給大家知!友人在星期日下午兩點幾一個人到呢間茶餐廳買外賣, 叫左乾炒牛河($30), 等了半個鐘, 外賣都未見, 友人問門口個女仔...覆她說漏左單(態度無問題)! 友人繼續等左15分鐘後都未有, 她問收銀的女仔, 但收銀的女仔完全無睬她, 而當中過程收銀的繼續有去收其他客的錢, 但就一直無理過及答過我朋友.朋友後來找經理來問, 但經理態度十分之差, 友人亦交代之前已漏了單, 到再問個收銀時, 收銀是無理過她, 經理反應是反說我朋友問收銀的當然唔會知, 友人便說咁問你(經理)應該會知!? 後來有個阿姐行過望到到友人手上的飛後說o岩o岩整緊! 友人聽見後說唔要了, 經理聽後即時從友人手上搶番張飛及指住門口說唔要咁你走, 友人說o野都未食梗係要退番錢才走, 到友人退錢後行出門口時, 聽到個經理說了一句: 鬼叫你叫乾炒牛河! 友人後來不忿地問番個經理咁應該叫咩食...去到最後個經理亦無聲出!雖然我唔係當事人, 詳細的對話我亦不記得, 我只記得我所聽深刻的, 但我實在唔知道叫乾炒牛河有咩問題, 等左超過半個鐘有多, 漏
友人在星期日下午兩點幾一個人到呢間茶餐廳買外賣, 叫左乾炒牛河($30), 等了半個鐘, 外賣都未見, 友人問門口個女仔...覆她說漏左單(態度無問題)! 友人繼續等左15分鐘後都未有, 她問收銀的女仔, 但收銀的女仔完全無睬她, 而當中過程收銀的繼續有去收其他客的錢, 但就一直無理過及答過我朋友.
朋友後來找經理來問, 但經理態度十分之差, 友人亦交代之前已漏了單, 到再問個收銀時, 收銀是無理過她, 經理反應是反說我朋友問收銀的當然唔會知, 友人便說咁問你(經理)應該會知!? 後來有個阿姐行過望到到友人手上的飛後說o岩o岩整緊!
友人聽見後說唔要了, 經理聽後即時從友人手上搶番張飛及指住門口說唔要咁你走, 友人說o野都未食梗係要退番錢才走, 到友人退錢後行出門口時, 聽到個經理說了一句: 鬼叫你叫乾炒牛河! 友人後來不忿地問番個經理咁應該叫咩食...去到最後個經理亦無聲出!
雖然我唔係當事人, 詳細的對話我亦不記得, 我只記得我所聽深刻的, 但我實在唔知道叫乾炒牛河有咩問題, 等左超過半個鐘有多, 漏單後都不是第一時間補整番, 員工及姓王/黃的經理態度咁有問題, 俾$30去浪費超過半個鐘, 咩都無食到, 仲要受一肚氣, 我友人之後亦胃抽筋需要睇醫生, 真係好唔值!
我見之前有食家說經理唔肯留他及員工姓名作投訴用, 其實在飛上亦有打他們的名, 點都唔算私隱, 如果咁私隱應該同公司講入員工編號算了, 唔駛煩又有私隱啦!
我相信一間成功的食肆唔會有這樣的待客之道, 就算食物有幾好食, 價錢有幾抵都好, 服務態度咁差, 我相信客人幫襯多幾次試過這種待遇後亦不會去! 打開門做生意無非都係為錢, 客人俾錢都係去食o野, 唔係去受氣, 食評已經咁差亦無管理層去正視及處理, 任由員工情況持續惡劣, 實在諗唔明, 竟然有食肆老闆及員工是倒自己公司米!
張貼