粿然好味 (已結業)

朋友話太子有間潮汕野好味，想帶我去試下。店舖係一間街店，剛好有位，可惜冇咩冷氣，都好熱下。我叫左個炒米粉，牛丸湯，腸粉同埋小米餃子。先講炒米粉，都幾妹味，而且D米粉透明的，好似唔係我地食開個種，可惜佢放左蝦頭落去，我要夾埋出黎。牛丸湯其實係壓扁左的牛餅湯，好好像，D牛丸好濃的牛味。腸粉都幾滑，好似係叫拉腸粉，不過豉油好似落得太多，下次要叫佢走豉油，由於份量都幾多，我食剩一條。最後佢最出名的小米餃子，朋友叫左兩碟，應該係鎮店之寶，味道唔差，之但係我一食落第一個感覺係:點解咁似我媽整個D？味道近乎一樣，除左個皮有D唔同之外。我媽又係炒米粉落蝦頭陰我。睇黎我可能成日響屋企食潮汕菜，所以覺得唔係好味到痴線的小菜。無論如何，係幾有特色的。