沙嗲軒 (已結業)

好耐之前已經有同事話好好食請我地去一齊試 , 後來睇到蘇絲黃個節目先知道真係咁出名 , 所以今日lunch決定再去食多次。 海南雞飯 ~ 水準仍然保持到 , 可能係比人投訴過自從【一粒鐘真人蘇】播出之後退步左 , 佢地即刻注意返口感同味道既質素 , 就連雞胸位置d肉都好滑 , 用埋個蔥油醬黎拌油飯食真係一流呀 , 可惜個湯飲左一啖覺得太咸 , 應該係味精放得比較多。 串燒沙嗲 ~ 整得不過不失啦 , 同其他泰式餐廳食到既都係差不多 , 始終呢道唔係主打菜式丫嘛。貴就係貴左d , 不過一次半次就冇所謂啦 , 至少唔會食完成肚火。