Nara Thai Cuisine (新城市廣場一期)

營業中

休息中

入去食嘢，只可以話服務正常，唔好期待侍應會主動斟水，不過有特別要求，例如因為隔籬枱太嘈所以想掉位或者想拎多兩隻碗仔，佢哋都唔會明顯黑你面咁樣囉。不過經理就好醒水，一見到上咗湯，就主動嗱嗱聲拎兩隻碗過嚟，呢一點係值得一讚嘅，但係其他姐姐...就有種去酒樓食飯嘅嗰種服務。可能我覺得個環境咁靚，再加埋個價錢，我就覺得個服務可以再好啲啲。食物嚟講OK嘅，可能為咗配合香港人口味啦，所以冇泰式辣嘅感覺，所有食物都係偏甜。食物嘅賣相係靚嘅！不過唔知點解個軟殼蟹係凍嘅，可能因為呢個係前菜，算係冷盤啩不過埋單嗰陣，想用八達通俾，因為OpenRice寫明話呢間餐廳係接受八達通付款，唔知點解個職員即刻話佢哋餐廳係冇得用八達通嘅。咁其實都幾唔方便呀！至於推唔推介大家嚟食，我覺得食一次可以，再嚟就不必要。