觀自在素食 (已結業)

我每星期都Green Monday有時覺得自己出外食太多大餐的話更加會每星期green3至4天，一般都係沙律什菜豆類等等。比較少食中式齋，今日一試覺得的確唔錯, 無想像中咁油膩。觀自在素食時常高朋滿座，唔訂枱肯定要等。而且估唔到有好多枱都係清一色男士 。素食喺香港已經好流行, 唯獨仍然選擇不多。據聞觀自在一直都係咁旺埸, 今日初邂逅的確令我留下不錯印象.    而且價錢合理, 8樣野 - 其中兩碟廚房, 4位茶錢夾埋加一都係$280埋單.  份量亦十足, 難怪有咁多熟客仔.春風得意腸係我既推介, 入面脆脆既什菜, 同外面軟熟既腸粉裡應外合, 即叫即做保持脆度, 又唔會油膩. 呢樣唔係咁傳統既點心, 好有新鮮感.   另一推介既係椒鹽豆腐, 又薄又脆既外皮而入面既豆腐又夠大粒又幼滑.  係一流既小食(我地當小食呀)  我覺得麻麻地既係燒賣, 一夾就散晒, 跟本夾唔起又癡住晒張墊底紙.  入口好似大量粉團咁, 口感好差.  另一個麻麻地既係個壽飽, 雖然都係熱辣辣, 但外皮較厚兼硬, 入面有少許蓮容但無乜味道.  可能因為係素食既關係, 要棄用豬油所以同一般壽飽既味質感唔同.個苦瓜鰻