桃花源 (已搬遷) 新店位置

四個人來吃飯，原來呢度晚飯時間人亦不少，閒日都坐滿八成。除了事先order的炸子雞外，叫了咕嚕肉、肉鬆蝦米津白、蝦仁炒蛋同沙爹牛肉炒腸粉。炸子雞好大隻，估計至少有兩斤幾三斤重，不以把鬼的炸蒜蓉作掩飾，貨真價實，皮炸得脆而雞肉嫩滑，絕對有鳳城及東寶的水準，值得一試；咕嚕肉亦是好味，半肥廋淡淡肉之餘，酸甜汁亦好味，都好掂；肉鬆蝦米津白清清地，幾香蝦米的味道，亦不錯；蝦仁炒蛋都唔錯，蛋炒得幾滑，唔乾，蝦仁亦幾大隻，爽口有鮮味；沙爹牛肉炒腸粉是一小段一小段穿開的腸粉炒沙爹牛肉，幾有風味，可惜碟頭不大，唔係好夠喉。最後叫了一個炒飯作結，埋單四百多，雖然唔算平，但小炒有水準，都食得過。