好旺角麵家 (已搬遷) 新店位置

依間係無辣椒油供應既麵檔，雖然阿姐話樽入面係辣椒油，但我只係食都係熟油，唔係辣椒油囉。以前去過奀記老店食雲吞麵都係無辣椒油既。驅驅一碗牛腩撈要 HKD36 ？﹗白烚芥蘭連蠔油都無要收 HKD13？﹗首次幫襯，有點驚奇 ﹗上次幫朋友黎買粥，聞到好香好香既食物味道，唔知係咪牛腩呢？定係其他呢？柱侯牛腩撈麵走蔥，order 左先知原來我上次路過聞到好香既，搞到好想試既係炸醬撈麵，並唔係牛腩，勁失望 ﹗試完個牛腩撈後就勁後悔 ﹗清湯為蝦籽湯，較為濃味及偏咸，凍左就更咸。牛腩過瘦又鞋烚烚，口感硬車，唯一可取係炆得非常入味，我要既牛腩係腍、棉、滑先叫好食 ﹗以三十幾蚊黎講，個麵底實在太細 ﹗不香不滑不爽，物非常值。烚菜芯，勁細碟，我稱為兒童餐囉 ﹗比一般係麵檔食十幾蚊既份量少一半 ﹗連蠔油都無提供。