八哥主題餐廳 (已結業)

香港有唔少主題餐廳，如果中意樣子呆呆嘅八哥，就一定要試吓去呢間以八哥做主題嘅餐廳。踏入餐廳門口，已經見到八哥嘅蹤影喇～ 餐廳行工業風，以貨櫃作設計藍本，姐妹們打卡影相一流又不失格調。 店內換上萬聖節裝飾，加上塗鴉畫，影相一流餐牌方面都好多元化，一般cafe shop 有嘅食物，呢到都會搵到。頭盤，湯，小食，意粉，扒類，漢堡，甜品等等，多不勝數... 今次點左卡邦尼意粉配溫泉蛋；食前先將蛋黃吉破，再輕輕撈埋，蛋味十足。意粉比較粗身同硬身，口感一流，好有嚼口。 黑松露薯條；好香黑松露味，配酒同姐妹們談心一流德國腸拼盤；好juicy! 一盤足夠2-3人share. 唯一不足係餐牌無寫明成份，因為唔係人人都食羊肉腸。重點招牌甜品 - 八哥朱古力慕絲配美國藍芝士蛋糕；單係賣相已經拎滿分。八哥造型十分仔細，像真度好高！食落口質地似雪葩。