Hero's Friday (已結業)

曾經係日本m記食過班戟漢堡，記憶中真係超好食，而且價錢好似都唔貴🤔終於發現原來香港都有班戟漢堡啦☺️。今次去荔枝角分店係外賣舖，冇得堂食。呢間分店都唔算難搵，位於工業大廈地舖，一條大路附近左右舖都係餐廳。如果平日lunch時段嚟，真係迫滿晒上班族，外賣完嗱嗱臨走。雖然呢間除咗班堡之外仲有好多人氣漢堡，但今次目標就為咗班堡而來。雖然呢間人氣係賣班堡，但如果唔鐘意食班堡都有普通款式嘅漢堡。買咗一個豬柳蛋班堡套餐($60)，包薯條及一罐飲品。size當然比日本m記食到既要大好多，班戟食落冇當初🇯🇵m記既甜，厚度正常，唔太乾唔太淋。漢堡扒正常冇野好講，但特別要一提嘅係個炒蛋☺️，蛋量勁多，口感勁滑，奶香十足，應該係加咗牛油同奶去炒，而且塊芝士溶埋落哂去炒蛋度，真心唔錯👍🏻。其實本來我有嗌將炒蛋轉煎蛋，卡路里冇咁高😂，但店員冇跟住做🙁，但咁好食就算😌。薯條份量正常，唔知係咪我好耐冇食薯條既關係，感覺好好食，薯味好濃😆。唔知係咪用美國薯仔整？整體嚟講，有興趣未食過又想試下班堡究竟咩味既可以一戰，雖然味道都好食，但感覺冇前兩年到日本🇯🇵m記食到既咁驚豔🤔。個人覺得性價比冇日本🇯🇵m記既高。