影片
更多
2017-08-10
1623 瀏覽
未講食物之前，要先講講呢間店厚來員工對個餐牌都唔係好熟，當我問佢生蝦一碟有幾多，佢居然可以答我：4至5隻我聽完即問佢：咩叫4至5隻? 4就4，5就5架啦! 次次唔同架?仲有，小店做梗柯打豬手送兩支啤酒/汽水，但職員唔會提你、唔會講你知、豬手上左枱都唔會問你飲咩..UM.. 我記得職員唔夠細心囉生蝦刺身 ($92)如圖，一碟有六隻，同職員所講既4至5隻有出入…生蝦唔霉，算彈牙，泰式汁調得唔錯最特別係有炸蝦頭!! 可以食埋串燒沙嗲 – 豬牛雞各兩串 ($78)豬係最韌，牛都仲可以，雞比較好食串燒除左肉質之外，我覺得個醬先係靈魂!!但呢度個醬係花生醬加辣椒油，花生醬太甜同辣椒油做唔到朋友，點左個醬仲衰過唔點。唔建議大家點串燒食乾炒金邊粉 ($68)又係一碟令人失望既食物…炒完既金邊粉仍然好濕，一pat pat，唔彈牙..而且好酸…同我平時食既炒金邊粉差太遠啦中鮮蝦冬蔭功湯 ($109)呢個湯幾好飲，酸酸地微辣好開胃。而且磨菇分量唔少，蝦都有好多隻唯一缺點係個湯羮太大，”不”湯都”不”唔到，最後都係用返自己個羮黎”不”泰式鹽燒側魚 ($93)魚肉多，係比較實既款，而且又唔腥，點埋個汁味道又昇華
厚來員工對個餐牌都唔係好熟，當我問佢生蝦一碟有幾多，佢居然可以答我：4至5隻
我聽完即問佢：咩叫4至5隻? 4就4，5就5架啦! 次次唔同架?
仲有，小店做梗柯打豬手送兩支啤酒/汽水，但職員唔會提你、唔會講你知、豬手上左枱都唔會問你飲咩..UM.. 我記得職員唔夠細心囉
生蝦刺身 ($92)
如圖，一碟有六隻，同職員所講既4至5隻有出入…生蝦唔霉，算彈牙，泰式汁調得唔錯
最特別係有炸蝦頭!! 可以食埋
串燒沙嗲 – 豬牛雞各兩串 ($78)
豬係最韌，牛都仲可以，雞比較好食串燒除左肉質之外，我覺得個醬先係靈魂!!
但呢度個醬係花生醬加辣椒油，花生醬太甜同辣椒油做唔到朋友，點左個醬仲衰過唔點。唔建議大家點串燒食
乾炒金邊粉 ($68)
又係一碟令人失望既食物…炒完既金邊粉仍然好濕，一pat pat，唔彈牙..
而且好酸…同我平時食既炒金邊粉差太遠啦
中鮮蝦冬蔭功湯 ($109)
呢個湯幾好飲，酸酸地微辣好開胃。而且磨菇分量唔少，蝦都有好多隻唯一缺點係個湯羮太大，”不”湯都”不”唔到，最後都係用返自己個羮黎”不”
泰式鹽燒側魚 ($93)
魚肉多，係比較實既款，而且又唔腥，點埋個汁味道又昇華左大圓法包椰皇咖喱雞
個包外皮真係好乾身好脆，包內層又軟，吸汁力好強!!呢個法包其實味道唔錯，但咖哩太少啦!! 因為包入面係用個椰皇裝住D咖哩
椰皇個SIZE本身就細，再加上個包吸汁力強，眨眼D汁就唔見哂….
最後係齋食包囉…
另外，食呢個包真係好麻煩，你要先拎左個椰皇出黎先切到個包
問題黎啦!! 個椰皇都企唔穩，拎左出黎放邊呢? 你自己諗啦
脆皮豬手 ($158)
呢個係做得幾出色，雖然炸容易令人覺得好油膩，但呢個唔會一黎因為配左個汁，酸味可以解膩
二黎個豬手無乜肥膏!! 唔通炸果陣連D豬油都迫埋出黎?!
豬手皮炸到好乾身，食落好脆好香口。入面D肉淋身又唔腥。唔錯
馬拉棧炒通菜 ($59)
平時出街好少叫炒菜食，因為十間有十間都炒得好油如果唔係朋友想食，應該唔會見到佢
果然不出我所料，十級油….
糯米釀雞翼
雞翼釀到脹卜卜，之後拎去炸，炸既過程令雞皮既油迫左唔少出黎，變得乾身又薄身，所以減少左油膩感入面既糯米軟棉棉，好緊實；外皮薄脆，中間雞肉，最入面係軟糯米，口感好好
蒜蓉法國麵包 (6件) ($28)
味道中規中矩，不過蒜味唔夠濃香酥抓餅 (2件) ($26)
本身想點個大法包既咖哩，但一黎佢好遲先上，二黎個咖哩汁連個包都唔夠點，唔好話點埋呢個餅..平時食果D即使唔點汁都好香好好味。不過呢個餅雖然係酥，但唔香，好乾同無味
原個椰青鮮蝦焗飯
朋友話呢個係全場最好食最特別唔好睇個飯白雪雪就覺得無乜味唔好食
但原來佢已經吸哂椰青個味，所以粒粒飯都好有椰味
個飯除左有少量海鮮之外，佢仲會放番D椰子肉落去
如果食嫌左菠蘿炒飯既人，可以點呢個黎試下
泰式生菜包 ($68) 無影到相
平時我係唔中意食生菜包，因為D肉碎肥膏多過肉
但呢度係肉粒多過肥膏好多!! 而且係我中意既大大肉粒
唐生菜新鮮唔係爛菜，邊都無變黑 (因為唐生菜水份多，放得耐易爛，好多地方都係菜邊黑左)
豬肉碎有濃濃既魚露味，不過偏鹹，一定要連菜食
8個人食，TOTAL食左$1289，唔係全飽
本身想食佢個糯米飯，因為相影得好靚好吸引，但食完前面D菜之後，已經無信心再試
整體評價唔高，可能睇完其他食評有左期望，所以更加失望
張貼
