影片
更多
2019-06-04
639 瀏覽
以前嘅我係個無肉不歡嘅食肉獸，食素？NO WAY🙈 但隨著年齡嘅增長，我都開始愈黎愈注意多菜少肉，健康飲食🙆♀️.係網上睇到呢間「素一」嘅介紹，主打新派素食自助餐，由黎自昂平寶蓮寺同日本嘅師傅操刀，食物水準固然有番咁上下質素，而價錢仲非常親民實惠💕 有見及此，一到星期六放假，嗱嗱聲拉埋男朋友一齊去LU🤣.晚市嘅DINNER BUFFET 每人$188 FOR 90分鐘（🤫星期一至五就抵D 每人$168炸)，供應時間由6點至11點，所以我地6點半到趕到黎🙈.餐廳裝修以春夏秋冬為主題，室內燈光光猛明亮，再以人手係雪白色既牆身上繪畫出各式各樣嘅抽像畫，簡約而優雅。座位方面都好寬敞，配上皮製梳發椅，坐得舒服自在☺️.店員帶我地入座後，隨即就遞上附送嘅原隻素鮑魚同姬松茸蟲草花粟米燉湯。燉湯相當香甜又足料，姬松草同蟲草花幾乎佔左成碗嘅三分之二，仲有桂圓肉，杞子，腰果等，飲落清甜滋潤。而素鮑魚仿真度真係超高，連口感都似足😱 素鮑魚入口滑溜有韌勁，淋上芡汁，好入味😋.跟住就緊係「巡視」一下自助區啦～ 自助區分為熱葷，壽司，前菜，沙律，炸物，涼菜，老火湯，飲品，糖水，生果，炒飯炒麵，PIZZA，燒物。。。
以前嘅我係個無肉不歡嘅食肉獸，食素？NO WAY🙈 但隨著年齡嘅增長，我都開始愈黎愈注意多菜少肉，健康飲食🙆♀️
.
係網上睇到呢間「素一」嘅介紹，主打新派素食自助餐，由黎自昂平寶蓮寺同日本嘅師傅操刀，食物水準固然有番咁上下質素，而價錢仲非常親民實惠💕 有見及此，一到星期六放假，嗱嗱聲拉埋男朋友一齊去LU🤣
.
晚市嘅DINNER BUFFET 每人$188 FOR 90分鐘（🤫星期一至五就抵D 每人$168炸)，供應時間由6點至11點，所以我地6點半到趕到黎🙈
.
餐廳裝修以春夏秋冬為主題，室內燈光光猛明亮，再以人手係雪白色既牆身上繪畫出各式各樣嘅抽像畫，簡約而優雅。座位方面都好寬敞，配上皮製梳發椅，坐得舒服自在☺️
.
店員帶我地入座後，隨即就遞上附送嘅原隻素鮑魚同姬松茸蟲草花粟米燉湯。燉湯相當香甜又足料，姬松草同蟲草花幾乎佔左成碗嘅三分之二，仲有桂圓肉，杞子，腰果等，飲落清甜滋潤。而素鮑魚仿真度真係超高，連口感都似足😱 素鮑魚入口滑溜有韌勁，淋上芡汁，好入味😋
.
跟住就緊係「巡視」一下自助區啦～ 自助區分為熱葷，壽司，前菜，沙律，炸物，涼菜，老火湯，飲品，糖水，生果，炒飯炒麵，PIZZA，燒物。。。。。真係多到我都眼花撩亂呀😂
.
第一站：素壽司區
D素壽司真係令人好SURPRISE! 第一，款式獨特種類多。第二，像真度極高。第三，壽司師傅駐場，保持素壽司嘅新鮮度🥰 我就推介芒果花之戀同乾果壽司😍 芒果花之戀係以鮮芒果配上蒟蒻而成，吾只「超A貨」，味道都好相近，入口香甜又FRESH~ 而乾果壽司就緊係獨特取勝啦🤣 壽司鋪上吾同嘅乾果，如奇異果，香橙等，味道清新，口感特別，仲好吸睛添💕
.
第二站：沙律，前菜，生果區
除咗有唔同嘅沙律同生果外，前菜嘅款式都唔少～有泡菜，芝麻嫩豆腐，日本番薯仔等等。其中，我最推薦紫薯泥沙律🥗 加入左雪梨粒 嘅紫薯泥，口感軟綿，淡淡嘅紫薯甜帶點雪梨粒嘅清爽，頂層仲放咗幾粒腰果，增加口感，大愛啊😍
.
第三站：炸物，天婦羅，串燒區
呢一區嘅花款更多！如炸紫薯波，炸秋葵，炸春卷，煎素餃子，素PIZZA，蔥油餅......我最鍾意就係燒菠蘿同素鵝肝多士。菠蘿🍍香甜又勁JUICY。 素鵝肝多士其實係蘑菇片放喺多士上面，在淋上番茄醬，香脆帶點微酸，好開胃✨
.
第四站：熱葷區
至少有十五款熱葷，仲吾係簡簡單單嘅款式，如葡汁薯仔四蔬，豆卜炆冬瓜，紅米炒飯，薑醋蛋，欖菜四季豆等等。其中，薑醋蛋真係炆等好入味，酸酸甜甜，好好味😋
.
第五站：飲品，糖水區
飲品同糖水各有兩款，分別係紅菜頭檸檬水，羅漢果水，椰汁雪燕同木瓜雲耳。由於我太愛紅菜頭檸檬水，至少encore 左5次🙈 所以我已經冇多餘嘅胃再食埋其他糖水同甜品😂
.
最後，估吾到素食BUFFET 原來可以咁多元化咁精緻，甚至比傳統BUFFET更出色呢👍
張貼
