影片
更多
2008-10-01
24 瀏覽
27-SEP-08 7PM9月份食事多, 難得星期六可以静静地食個飯, 攔左一間同事介紹過既餐廳, 並早一日訂位.店內環境很舒適, 牆上掛住一d舊香港的圖片, 但其他陳設都是一般西餐廳似的, 很難想像同店名” 原居民” 有什麼密切關係. 侍應隨手遞上餐牌. 更捧來一個大黑板到我身旁, 親自每款介紹各項菜式, 非常細心.由於我地只叫左一個 set dinner, (either appetizer or soup), 要左牛肉tartar, 只好另叫湯, 但又怕一人一個太多. waiter 就提出"small cup size" version ($45 / 2 cups) 比我地. 真係好好~~Order 後, 先送上一客熱辣辣, 香噴噴既包包..湯未黎就食晒lu~~~洋蔥湯同南瓜什菌湯. 兩樣都好夠熱, 水準很不錯.南瓜湯又 rich 又 cream.洋蔥湯很香~Appetizer:生牛肉他他: 伴以法包, 牛肉用酸咪咪的汁醃之, 挺開胃.虎蝦 + 芒果 +西柚+ camembert cheese +松子紅桑子醋汁沙律: 份量頗多的, 每樣材料都十分新鮮, 尤其虎蝦是極爽.Mai
9月份食事多, 難得星期六可以静静地食個飯, 攔左一間同事介紹過既餐廳, 並早一日訂位.
店內環境很舒適, 牆上掛住一d舊香港的圖片, 但其他陳設都是一般西餐廳似的, 很難想像同店名” 原居民” 有什麼密切關係. 侍應隨手遞上餐牌. 更捧來一個大黑板到我身旁, 親自每款介紹各項菜式, 非常細心.
由於我地只叫左一個 set dinner, (either appetizer or soup), 要左牛肉tartar, 只好另叫湯, 但又怕一人一個太多. waiter 就提出"small cup size" version ($45 / 2 cups) 比我地. 真係好好~~
Order 後, 先送上一客熱辣辣, 香噴噴既包包..湯未黎就食晒lu~~~
洋蔥湯同南瓜什菌湯. 兩樣都好夠熱, 水準很不錯.南瓜湯又 rich 又 cream.洋蔥湯很香~
Appetizer:
生牛肉他他: 伴以法包, 牛肉用酸咪咪的汁醃之, 挺開胃.
虎蝦 + 芒果 +西柚+ camembert cheese +松子紅桑子醋汁沙律: 份量頗多的, 每樣材料都十分新鮮, 尤其虎蝦是極爽.
Main Course:
燒澳洲羊架(7成, rosemary sauce): 2百多元只有3件似乎貴了一點, 但那粉紅肉質幾嫩滑的. 而side dish 的薯角亦炸得鬆脆, 用來點 gravy very nice~
闊蛋麵伴虎蝦, 意大利火腿, 香草茄醬: 份量足, 一開始食以為要打包,麵條算al dente,大蝦仍是新鮮彈牙, 但茄醬和火腿肉多了一點, 食到底有d咸.
Dessert: 見好多人叫梳乎里同心太軟, 兩者爭紮中, 我請了高佬manager 問問那個較好. 由於前者要等上大半個小時, 而回覆是後者”唔流心包換!!”, 那又豈能錯過?
等了 10 多分鐘, 香噴噴的甜品來了. 切開有不少溶漿流出 很興奮~~ 味道幾好, 驚喜的是附上的小小熱情果雪葩非常 re fresh, 令食畢這個心太軟都不會有膩感.
P.S 人手有點不足. 而且等候上菜時間長, 整餐吃足2個多小時.
有機會再試試牛扒類.
張貼
