蜀客

營業中

休息中

葵涌廣場出名多嘢食，平時好少食辣嘢，天氣開始涼涼哋就想試吓食少少辣嘢，就去間蜀家，江湖菜，見到餐牌可以揀辣同埋唔辣，可以外賣或者企喺度食，我就揀咗買返屋企慢慢食。佢好似車仔麵咁可以揀涼皮，米線或者涼麵，之後再揀餸（有蓮藕、土豆絲、豬腩肉等等，有辣有唔辣！試咗涼皮配香蔥油，涼皮第一次食，感覺好似涼拌粉皮，不過細條啲，都幾特別，再加食豬腩肉，香辣枝竹同埋肉碎，香蔥油好香！紅燒肥腸見到佢特別推薦，所以試吓，少少辣，肥腸煮到好腍好入味，好味夠晒滋味，佢份量一啲都唔少，全盒大部份都係肥腸，性價比高！