我的意大利廚房 (已結業)

今日同朋友lunch hour 在灣仔搵食，無意中入咗去依間餐廳。首先第一個感覺係個外藉女waitress黑口黑面，好似去咗茶仔咁，算！揀咗依個lunch set , 本來都冇乜期望！麵包係脆嘅，配埋蒜蓉醬和芝士粉酸酸地幾好食！雜菌湯濃度剛剛好，滿意！main course 估唔到塊雞扒肉質咁煙靱，雞肉有彈性，冇肥膏，望落好細塊，但係夠厚，所以食完都開始飽。之後加左少少檸檬汁吊味，尤其最有驚喜係雞塊上面啡色依個醬汁，味道係咸和辣，好惹味，雞皮係脆嘅，估唔到個廚師真係有料到，冇嚟錯！