港澳義順牛奶公司 (已結業)

雖然間嘢睇落去唔大，而且裝修得ok簡單，不過一入門口就見到有好多雙皮奶，原本剛中午食完都未消化完，不過見到啲雙皮奶咁誘惑，又好不自自然咁行左入去間鋪頭到一坐低就即刻叫左碗雙皮奶，都幾大碗下嘎。碗雙皮奶好熱吖，而且表面有一層奶皮，下面係又滑又白噶雙皮奶，奶味好香，而且甜度適中。不過個豬扒三文治就麻麻地啦，麵包好硬，無乜味道，而且油比較多個通心粉唔知係咪因為煮太耐呢，都係麻麻地。不過都叫幾飽肚，又大份，經濟實惠囖。