Patisserie Mon cher (已結業)

去完中環最近重開既大館之後，就睇下附近有d咩靚cafe～俾我openrice到擺花街有我之前係黃埔已經心動想食既蛋糕店，加上中環依間有位堂食，所以即刻起行！一去到門口個蛋糕櫃已經勁吸睛！佢地最出名就係堂島卷，所以我叫咗個原味堂島卷同埋一杯雪糕。其實本身淨係想叫一個堂島卷，但係個杯雪糕個樣好吸引，佢係用北海道產嘅生忌廉整，上面仲加咗三塊蛋白餅，一個兒時好鐘意食既雪糕棉花糖， 個筒仲痴滿星星糖！好靚呀。佢唔止得個樣靚食落都好creamy，因為始終係雪糕比較快溶，但可能因為係搵100%生忌廉整，所以溶出嚟嘅都係牛奶同水同一般雪糕比好明顯冇咁所以用出嚟嘅都係牛奶同水同一般雪糕比好明顯冇咁笠，唔係死甜，好食！之後到原味堂島卷啦！其實我見佢有香港限定版嘅楊枝甘露味堂島卷，但因為第一次食，所以試下原味先，其實佢同瑞士卷係同一類野但係瑞士卷嘅蛋糕比堂島卷多，堂島卷就係sell忌廉，所以係大大個cream係中間，入口唔會覺得太膩，係清甜果種！個卷皮有小小蛋香，果然出名係有原因。店內d蛋糕都好靚，如果下次要慶生都會想買返個大CAKE試下，推薦！